O alcalde, José Cela, acompañado da concelleira María José García Sueiro, acudiu ao CPI
Santa Lucía para coñecer de primeira man as ensinanzas que lles trasladaron ao alumnado
de Primaria sobre a importancia da reciclaxe e o coidado do medio ambiente.
O Concello organizou esta actividade para promocionar o servizo do punto limpo móbil que
ten habilitado Moraña e que permite facer unha recollida selectiva de residuos que precisan
dun tratamento especial.
Para promover estes bos hábitos co planeta entre os máis pequenos, o punto limpo quedará
instalado no centro educativo durante esta semana. “Precisamente”, explicou o alcalde,
“mañá é o Día da Reciclaxe e por iso queríamos reforzar a súa celebración con esta
campaña de concienciación entre os nenos e nenas, que son o futuro tamén do coidado do
noso planeta”