O EVENTO, QUE SE CONSOLIDA NO CALENDARIO DA FEIRA INTERNACIONAL DE GALICIA ABANCA, CONTARÁ CON MÁIS DE 400 COCHES SEMINOVOS, QUILÓMETRO CERO E DE OCASIÓN
O Salón Motor Okasión abre mañá as portas da súa cuarta edición no recinto Feira Internacional de Galicia ABANCA, consolidándose así entre os eventos do seu calendario feiral.
Organizado por OK Eventos, o certame estenderase ata o domingo e converterase nunha magnífica oportunidade para atopar coches seminovos, quilómetro cero e de ocasión.
Contará na súa exposición con máis de 400 vehículos de distintas marcas, gamas e modelos, co obxectivo de adaptarse ás diferentes necesidades dos visitantes. Tamén os prezos serán diversos, con opcións para todo tipo de orzamentos que irán desde os 5.000 euros ata os 80.000 euros.
As catorce empresas presentes, que serán tanto concesionarios oficiais como compravendas multimarca de distintos puntos de Galicia, ofrecerán durante o tres días do certame interesantes promocións e tamén condicións especiais. Estas serán: Start Motor, Galaicar, Golden Car, Minerva, CCK, Grupo Car, Pais Automoción, Gr Cars, Senra Sport, Hyupersa, Outes Motor, JCV, Gómez Alén e Xaquín.
Un amplo horario
O custo da entrada será de 3€ por persoa e día, aínda que os menores de 16 anos poderán acceder de forma gratuíta. O horario de apertura da feira será moi amplo para facilitar a asistencia do público, estendéndose de 10.00h a 21.00h