O acto de clausura contou coa presenza do alcalde, Ricardo Martínez, quen ensalzou o deporte e as prácticas saudables como xeito de axudar á mocidade no seu proceso de formación
O alcalde de Portas, Ricardo Martínez, asistiu ao acto de clausura do II Campus de Tecnificación de fútbol impartido no campo municipal da Rapeira e no que participaron 30 nenos de idades comprendidas entre os 5 e os 13 anos.
O Campus estivo coordinado polo adestrador galego Manu Campos e contou coa presenza de Fran Fandiño, futbolista ex do Pontevedra, actualmente do Ribadumia, e profesor de educación física. Tamén estivo David Pintos, xogador do Teucro de balonmán, para dar a súa visión sobre este deporte, similitudes e diferencias co fútbol.
Ademais de Manu Campos, este Campus contou coa participación dos adestradores José Antonio Lodeiro e José Campos os cales foron os encargados de dirixir a formación en tecnificación de fútbol para mellora-las súas habilidades individuales desde un punto de vista integrador no xogo de equipo.
Os adestradores puxeron en marcha un proxecto formativo intensivo que permitiu analizar e personaliza o adestramento de todos e cada un dos 30 nenos asistentes, procedentes dos municipios de Portas, a inmensa maioría, pero tamén de Caldas, Moraña e mesmo Vilagarcía.
Ademais, os participantes tiveron actividades lúdicas e de multideporte coa intención de fortalecer a súa formación deportiva combinando as técnicas propias do fútbol coa práctica divertida do fut-bolei, fut-tenis e mesmo fútbol sala grazas as magníficas instalacións municipais cedidas polo Concello para esta actividade formativa.
Manuel Campos agradeceu a colaboración do Concello, do equipo de fútbol do Portas e mesmo do CEIP Domingo Fontán xa que se utilizaron as súas aulas para as actividades teóricas e as charlas protagonizadas polos especialistas convidados a este Campus.
Pola súa banda, o alcalde, Ricardo Martínez, felicitou aos participantes e organizadores por esta iniciativa e ofreceu a máxima colaboración do Concello de Portas na realización deste tipo de actividades que “redundan na formación persoal e deportiva dos participantes para inculcarlles valores positivos como o traballo, o esforzo e o compañerismo. Felicítovos a todos por participar nesta iniciativa e anímovos a que sigades pola senda da práctica deportiva e do estilo de vida saudable”, indicou o rexedor.
