O próximo domingo 11 de setembro as 19:30 estará en Barbadás o grupo Teatro Esteta de Taboadela coa obra “Tantos anos de Silencio” na sala Manuel María de Barbadás ( A Valenzá).
Sinopse:
Ánxela acepta dirixir unha excavación nunhas fosas comuns da Guerra Civil, no Pazo de Falvia en Galiza, onde según a memoria colectiva produxéronse torturas e múltiples execucións.
Ao abrir as fosas, Ánxela e o seu equipo atopan os restos de seis persoas asasinadas, pero ademáis no mesmo espazo, algo apartado aparece tamén o esqueleto perfectamente conservado dunha muller cun libro.
Como morreu esa muller? Quen era? Que secretos oculta o actual propietario do pazo, o exmiltar Darío Rocha? A resposta desvélase nunha representación que alterna a investigación no presente de Ánxela – que a sua vez fuxe da devastadora experiencia dun matrimonio marcado polos malos tratos e a violencia- e a sucesión de feitos que tiveron lugar no pazo en 1936.
A mestra Beatriz Varela e a súa filla Ana aplicar nesa época os ideais da Institución Libre de Ensinanza nas terras de Flavia co ánimo de cambialo todo, ofrecendo ao seu pobo o acceso a educación e a esperanza.
En Tantos anos de Silencio redórdase unha época de escuridade, de vergoña, de paseos na madrugada e tiros nas cunetas, pero tamén de loitar por unha vida mellor. Unha montaxe que recupera parte da nosa historia e nos fai pensar en como puido ser vivir naquela época.
Entrada libre con invitación ata completar aforo (Recollida de invitacións na Casa da Cultura).
Redomentado a partir de 12 anos en diante
