O Pazo Grallal, na parroquia de Covas, segue a presentar a imaxe de desleixo que xa en outubro de 2018 denunciábamos dende o BNG. O busto do fundador do Pazo está totalmente tapado pola maleza, a porta enferruxada e falta unha das bolas de decoración que forman parte do arco de pedra de entrada. O actual propietario, segundo parece un coñecido empresario e mecenas de Madrid, teno neste estado de abandono, polo que diante desta situación rogamos se informe:
Que ten feito o Concello de Viveiro ao respecto?
Ten requerido ao propietario para que corrixa esta situación?
Para Míriam Bernúdez “o Concello debera amosar interese pola situación do Pazo de Grallal, pasaron catro anos desde a nosa denuncia sen ningún tipo de feito, deberan informar se é preciso a Patrimonio para avanzar e poñer os medios necesarios para a súa conservación”.