- O doutor José Flores sinalou hoxe ao alcalde Manuel Campos que a Área Sanitaria estudará a execución dun programa arquitectónico para o centro de saúde desta localidade, que contemplaría un arranxo da coberta do centro que inclúa unha ampliación do tellado no punto de acceso de ambulancias
- Flores Arias sinalou ao rexedor cuntiense que o Servizo Salego de Saúde continúa a efectuar xestóns para acadar a cobertura das ausencias médicas neste centro de saúde, ademáis de mellorar a súa accesibilidade poboacional
O xerente da Àrea Sanitaria de Pontevedra e O Salnés, o doutor José Flores Arias, mantivo esta mañá no hospital Montecelo do Complexo Hospitalario Universitario de Pontevedra unha xuntanza técnica co rexedor do Concello de Cuntis, Manuel Campos Velay, na que se analizou a situación sanitaria desta localidade.
Acompañado pola directora asistencial, Susana Romero, a directora de Atención Primaria, Elena Ocampo e o director de Enfermaría da Área Sanitaria, Juan Vazquez, o xerente José Flores Arias sinalou ao rexedor cuntiense que a Área Sanitaria estudará a execución dun programa arquitectónico para o centro de saúde desta localidade, que contemplaría un arranxo da coberta do centro de Atención Primaria que inclúa unha ampliación do tellado no punto de acceso de ambulancias cara a mellorar os tránsitos de pacientes nos transportes sanitarios programados desta localidade.
No transcurso deste encontro -que da continuidade á relación entre a Xunta de Galicia e as corporacións locais en materia sanitaria- o doutor José Flores lembrou hoxe a Manuel Campos o condicionante actual do paro cero nas especialidades de Pediatría e Medicina Familiar e Comunitaria, de tal xeito que a ausencia destes profesionais para contratar e cobrer sustitucións no eido da Atención Primaria supoñen un atranco de cobertura con estabidade nesta localidade.
Continuidade nas xestións administrativas
Non obstante, o Servizo Salego de Saúde mantén o compromiso permanente de continuar efectuando xestións administrativas a este respeito, perseverando para poder efectuar contratacións de substitucións á maior brevidade posible e acadar a cobertura das ausencias médicas neste centro de saúde, ademáis de mellorar a súa accesibilidade poboacional.
