Ata o grupo da oposición chegan reiteradas protestas dos vendedores que teñen un posto no feirón que se celebra cada domingo no pobo de Miño, motivadas polas novas condicións que se esixe por parte do goberno municipal para instalar os postos.
Consideramos que este tipo de decisións deben adoptarse sempre escoitando á contraparte e mediante un proceso de negociación que favoreza a ambas as partes, e non como se fixo mediante unha decisión totalmente unilateral que levou a que moitos vendedores decidisen non instalar os seus postos.
Trátase dunha situación que non só afecta os vendedores, senón ao resto de negocios do centro do pobo xa que é unha das actividades que fose do período estival máis visitantes atrae ao noso municipio.
Por iso desde o Partido Popular solicitamos, e así se trasladará en pleno, a que o goberno municipal chegue a un acordo para que poida manterse este feirón, que desde que se iniciou foi crecendo ata converterse nunha tradición do noso pobo que favorece a actividade económica e social do municipio.
