• Taboada comproba o inicio das obras dun camiño peonil seguro ao instituto, ao Centro de Saúde e ao Tanatorio, ao que segue nos próximos dias o comezo das obras da C/ Vázquez.
Taboada afirma “agradezo o apoio recibido pola Deputación de Pontevedra, aínda que se é certo que o goberno de Xuntos tivo que solicitar as axudas e presentar os proxectos, non é menos certo que a Deputación coa súa presidenta Carmela Silva a cabeza, souberon escoitar os meus proxectos, e non só iso senón que investiron eles mais nun ano en Vila de Cruces, que a Xunta de Galicia en 3 anos, e con moita diferenza”.
Taboada estivo comprobando como están a realizar os traballos de dotar dun camiño peonil seguro ao instituto, ao centro de saúde e ao tanatorio cunha senda peonil de ancho variable, cun mínimo de 2,5 metros na súa marxe dereita, facéndoo coincidir co IES Marco do Camballón. Creando un “camiño escolar seguro” para o alumnado deste centro educativo, pero tamén sirve para dar maior seguridade aos accesos de dotacións próximas e moi utilizadas pola cidadanía, como e o Centro de Saúde, o Tanatorio, o Cemiterio, ou o Campo de Fútbol, o proxecto ten un custo de 182.033 € dos que a Deputación achegará o 80% e o consistorio o 20% restante. A isto témoslle que sumar que en breve comezarán os traballos na rúa Vázquez, (uns traballos, nos que recorda o alcalde que o BNG votou en contra de facelo, preferindo perder a subvención), cun investimento de 892.360€ dos que a Deputación de Pontevedra achega 596.681€.
Algo totalmente oposto ao que está a investir a Xunta de Galicia en Vila de Cruces, que este ano investiron 385.000, dos cales 300.000 serán no Mosteiro, cando ao concello de Rodeiro déronlle 2.000.000€ e ao de Dozón 1.300.000€, é máis non se molestan nin en atender as constantes peticións que desde o goberno realízanselle para que comproben o estado dos Centros de Ensino da Vila ao longo destes 3 últimos anos, pero isto estalles servindo ao goberno de Xuntos para comprobar a pouca forza que ten Jesús Otero, que non é capaz de conseguir que o seu partido invista en Cruces, e unha vez máis Taboada demostra que con traballo diario pódense conseguir facer investimentos á marxe de que a oposición soamente dedíquese a poñer paus nas rodas.