Home Valdeorras A Rúa A Xunta inicia o luns traballos de roza e limpeza nas marxes...

A Xunta inicia o luns traballos de roza e limpeza nas marxes da estrada OU-536 ao paso polos concellos do Pereiro de Aguiar, Xunqueira de Espadanedo, Castro Caldelas, Montederramo e A Rúa

- Anuncio -

― Realizaranse estas intervencións na estrada OU-536, nos municipios do Pereiro de Aguiar, Esgos, Xunqueira de Espadanedo, Castro Caldelas e Montederramo; e en dúas rotondas da desta mesma vía no concello da Rúa

― Proseguirán os traballos na AC-102, ao seu paso por Cerdido, na provincia da Coruña; e na vía de altas prestacións CG 2.2 ao seu paso polos municipios lucenses do Páramo e Sarria

― Tamén se continuará traballando na OU-212 ao seu paso por Beariz, Avión, Leiro, Carballeda de Avia e Beade; na OU-504 no Carballiño, Maside e Leiro; na OU-403 e OU-402 en Ribadavia, Castrelo de Miño e Ourense; e na OU-510, en Ourense

― Seguirán as tarefas iniciadas nas últimas semanas na autovía AG-51 en Salvaterra de Miño, en distintos tramos das vías da provincia de Pontevedra: AG-46, CG-4.1, VG-4.6 e VG-4.5, en Moaña e Cangas; e na PO-504, na rotonda do Vinquiño, en Sanxenxo

― Estas novas accións de conservación nas vías da Xunta permitirán, nesta nova encomenda da Consellería de Infraestruturas e Mobilidade, a roza mecánica de máis de 2.600 km lineais e actuar nunha superficie de máis de 188.500 metros cadrados de xeito manual

A Xunta iniciará este luns novos traballos de roza e limpeza nas marxes da estrada autonómica OU-536 ao paso por distintos concellos, ao tempo que continúa as tarefas iniciadas en pasadas semanas en vías das provincias da Coruña, de Lugo e de Pontevedra.
Máis en detalle, a vindeira semana comezarán estas intervencións na estrada OU-536, nos municipios do Pereiro de Aguiar, Esgos, Xunqueira de Espadanedo, Castro Caldelas e Montederramo; e na OU-536, en dúas das rotondas da vía autonómica ao paso polo concello da Rúa.

Ademais, na provincia de Ourense, continuarán as actuacións: na OU-212 ao seu paso por Beariz, Avión, Leiro, Carballeda de Avia e Beade; na OU-504 no Carballiño, Maside e Leiro; e na OU-510, en Ourense.

Tamén seguirán estes traballos na AC-102, ao seu paso por Cerdido, na provincia da Coruña, e na vía de altas prestacións CG 2.2 ao seu paso polos municipios lucenses do Páramo e Sarria.
Na provincia de Pontevedra proseguirán os traballos iniciados nas últimas semanas na autovía AG-51 en Salvaterra de Miño, en distintos tramos de AG-46, CG-4.1, VG-4.6 e VG-4.5, en Moaña e Cangas; e na estrada PO-504,na rotonda do Vinquiño, en Sanxenxo.

Seguridade viaria
A Consellería de Infraestruturas e Mobilidade acomete estas actuacións no marco do contrato coa empresa pública Seaga, por importe de máis de 2,2 millóns de euros, para o control da biomasa das marxes das estradas de titularidade autonómica para previr lumes e reforzar a seguridade viaria.
Estas novas accións de conservación nas vías de titularidade da Xunta permitirán, nesta nova encomenda, a roza mecánica de máis de 2.600 quilómetros lineais e actuar nunha superficie de máis de 188.500 metros cadrados de xeito manual.

Ademais, retiraranse máis de 5.600 árbores situadas no dominio público das estradas, susceptibles de provocar lumes ou de supoñer un risco de caída na calzada. Tamén se levará a cabo a reparación de 22.500 metros lineais de valado dos noiros perimetrais das estradas.

Como novidade na encomenda de 2022, prevese a reposición de 7.500 metros de valado en vías de alta capacidade que se poida danar nos labores de despexe ou roza. A reposición realizarase con valado reforzado para aumentar a protección da estrada fronte á entrada de animais.

Con esta nova encomenda, desde o ano 2018 lévanse investidos 8,3 M€ nas actuacións de control da biomasa nas marxes das estradas autonómicas.

Relacionadas

O alcalde recibe o director da ONCE en Ourense e trasládalle o apoio do...

0
O alcalde de Ourense, Gonzalo Pérez Jácome recibiu esta mañá no Concello o director da Organización Nacional de Cegos Españois (ONCE) en Ourense, David...

Alcalde e CEO reclaman a mellora de infraestruturas periféricas e urxen as autovías a...

0
Pérez Jácome recibiu no salón de plenos a comisión de Infraestruturas da Confederación Empresarial O alcalde de Ourense, Gonzalo Pérez Jácome, recibiu esta mañá no...

A Xunta de Goberno Local concede 4 licenzas urbanísticas na súa sesión ordinaria desta...

0
A Xunta de Goberno Local do Concello de Ourense acordou na súa sesión de hoxe conceder 4 licenzas urbanísticas, para os proxectos de adaptación...

A Xunta avoga por unir sinérxias público-privadas para referendar a posición de Galicia como...

0
José González destacou o proceso de diálogo iniciado esta semana coa patronal e sindicatos, que completará en datas próximas cos interlocutores do traballo autónomo,...

O presidente da Deputación visita en Paderne o futuro centro de transformación de produtos...

0
Luis Menor, acompañado polo presidente do Inorde, Rosendo Fernández, e do alcalde de Paderne de Allariz, Manuel Pérez, coñeceu in situ o estado actual desta infraestrutura que...

A IX Copa Deputación de Natación Sincronizada reúne este sábado a 250 deportistas de...

0
A IX Copa Deputación de Natación Sincronizada reunirá este sábado, 4 de maio, na piscina Rosario Dueñas, a un total de 250 deportistas de...

Publicacións Relacionadas