O Grupo Municipal Socialista de O Irixo DENUNCIA O MALTRATO que sofre un menor do Irixo por parte do alcalde o que non lle da a gana de colocarlle unha marquesiña para esperar o autobús escolar dende fai mais dun ano.
O portavoz socialista do Irixo Iago Fariñas Valiña solicitou xa fai máis dun ano, concretamente na sesión plenaria de 28 de setembro de 2021 a colocación urxente e necesaria dunha marquesiña para que un escolar do Irixo puidese esperar o autobús resgardadado da chuvia e do frío, comprometéndose o alcalde a facelo.
Esta mesma petición de 2021 se foi reiterando, con outras moitas, nas seguintes sesións plenarias de 22 de febreiro e 27 de setembro de 2022.
Un escolar que leva máis dun ano a intemperie ante o desprezo, desidia e pasividade do alcalde e o goberno municipal que non lle importa que un escolar espere o autobús as 7.30 h. da maña chovendo e con frío, cando no Irixo sobran marquesiñas esquecidas nas silveiras, en pobos que non teñen nin nenos nin veciños ou noutros casos úsanas particulares para gardar leña.
LAMENTAN UNHA VEZ MAIS os socialistas que a palabra do alcalde de O Irixo non valga nada, e so se preocupe de gastar o diñeiro en cousas e proxectos innecesarios ou cousas para os seus acólitos.
Lamentan a campaña de propaganda e de actividades que nada aportan a vida da veciñanza do Irixo cando se teñen sen atender servizos básicos e SE DESATENDE UN DEREITO FUNDAMENTAL COMO É O ACCESO A EDUCACIÓN, acceso que o alcalde dificulta a este menor que vive no Irixo, un alcalde incapaz de ser persoa antes que alcalde, de ser un ser humano antes que un político, e cunha falta total de talante democrático e sensibilidade como persoa.
Pregúntanse os socialistas si tería sen unha marquesiña a un fillo seu ou o fillo dun dos seus acólitos no Irixo…?
Consideran esta actitude do mais rancia e caciquil que se pode esperar dunha persoa que o único que fai e castigar a un menor inocente que non se merece este desprezo.
Os socialistas anuncian, que si o alcalde do Irixo non coloca nos próximos días a marquesiña solicitada e comprometida fai mais dun ano, denunciaran estes feitos directamente ante a Consellería de Educación da Xunta de Galicia.
Un Alcalde que castiga a un menor de esta maneira, queda inhabilitado para exercer calquera cargo público e merece o rexeite de toda a sociedade.
