• O presidente do Partido Popular de Pontevedra compartiu cos membros da Comisión de Transportes os primeiros pasos que dará sendo alcalde, como a redacción dunha novo PXOM
• Ademais, Domínguez confirmou que articulará medidas para a mellora integral do tráfico, así como para a falta de aparcamento: “Debemos potenciar o transporte urbano e o uso da bicicleta”
• O popular ampliará o tempo permitido de estacionamento e iniciará o estadio de tráfico “máis grande que se realizou nunca nesta cidade”: “Por suposto, os pontevedreses poden contar coa reapertura de Raíña Vitoria
O presidente do Partido Popular de Pontevedra, Rafa Domínguez, acompañado polo concelleiro Pablo Fernández, recibiu aos senadores populares que forman parte da Comisión de Transportes. A eles, Domínguez presentoulles varias das súas liñas de acción para a “Pontevedra do futuro” en materia de transportes e mobilidade urbana. “Chegou a hora do cambio e por iso debemos empezar a explicar que queremos facer nos próximos anos”, destacou o popular.
O presidente local, tras varias reunións e despois da análise das propostas, avanzou antes os medios algunhas das medidas que poñerá en marcha nos seus primeiros 100 días como alcalde para a mellora da mobilidade urbana.
A primeira, “e obrigatoria”, é dar inicio á redacción dun novo Plan Xeral de Ordenación Urbana, “xa que temos un PXOM obsoleto, con máis de 30 anos”. “Debemos reforzar o espírito verde da nosa cidade, coa xeración de polo menos 400.000 metros cadrados de espazos verdes novos, con parques e xardíns e coa remodelación dos xa presentes, que en moitos casos presentan aspectos deplorables”.
En segundo lugar, Domínguez aposta pola creación de aparcamentos disuasorios, “que deben permitir que a xente que non vive no centro urbano desprazarse de forma cómoda e gratuíta á nosa cidade”. Ademais, como terceiro punto, o popular iniciará os trámites para creación de carrís bicis “para potenciar un dos transportes máis ecolóxicos que hai e coa idea de conectalo con outras cidades da nosa contorna”.
A cuarta medida, “iniciaremos a reordenación e ampliación os servizos de transporte público de autobuses, chegando a paradas tan importantes como centros de saúde, que quedan fóra do circuíto nestes momentos. A potenciación e mellora das paradas e dos percorridos é fundamental para que este servizo sexa un éxito”.
Domínguez tamén ampliará o tempo de aparcamento na cidade, “de formar que o que queira vir realizar unha compra na nosa cidade poida facelo dunha maneira cómoda”.
En sexto lugar, o popular quere iniciar “o estudo de tráfico máis grande e ambicioso dos que se realizaron na nosa cidade”. “Un estudo serio, independente, onde poñamos solucións aos problemas de tráfico que sofre a cidade tras unha infinidade de malas decisións nesta maneira”, declarou o popular
Por último, “e é unha medida que os pontevedreses deben saber e ter a certeza que se realizará”, é a reapertura da avenida de Raíña Vitoria. “Poden contar con iso”, afirmou o popular. “Chega a hora de dar un novo impulso á mobilidade da cidade”, dixo Domínguez.
Na rolda de prensa, Domínguez estivo acompañado polos senadores Pilar Rojo e Pedro Rollán, os cales apoian o programa exposto por Domínguez. “Despréndese que lamentablemente á fronte da cidade de Pontevedra temos un Goberno que está esgotado e carente de ideas”, recoñeceu Rollán.
“Cuns adoitados cimentos e coas bases que aquí hoxe presentou o candidato do Partido Popular, estamos seguros que este é un proxecto de futuro, centrado no que demanda os veciños, as asociacións e os comerciantes. O que Rafa presenta é un proxecto de futuro”, seguiu Rollán, que se mostrou sorprendido por “o obsoleto do Plan Xeral e a tardanza na concesión de licenzas municipais”.
