No pleno do 25/05/2022 o BNG defendeu unha moción para que por parte da alcaldía se puxera unha parada de taxi coa súa sinalización vertical e a rotulación dos números de teléfono dos taxis que operan no concello no entorno máis próximo ao Mosteiro da Armenteira.
Para esta parada propuxemos 2 situacións acordadas co sector que sería usada até que o plan de mobilidade fique definitivamente rematado.
Na moción avisábamos que eramos conscientes do tempo que tardaría en facerse efectivo o plan de mobilidade, por iso era necesaria a maior celeridade na colocación da parada.
Esta moción foi emendada polo partido socialista engadindo que era necesaria a conformidade de Patrimonio e da Deputación de Pontevedra. O BNG aceptou as emendas e a moción foi aprobada por unanimidade.
A día de hoxe, 17/11/ a situación segue igual e non hai parada de taxi en ningunha das situacións acordadas.
Polo que vimos de rexistrar unha petición para que nos sexan entregados os escritos dirixidos tanto á Deputación de Pontevedra como a Patrimonio, e no seu caso as respostas dadas, para poder axudar a axilizar a colocación desta parada dada a importancia que ten o taxi para esta parroquia do noso concello por ser un servizo público esencial para a cidadanía e unha parte vertebradora do noso turismo.
