Convoca unha Asemblea Aberta para o sábado 10 de decembro ás 19 h. no edifico Prazuela de Ponte Valga
O vindeiro sábado día de 10 de decembro ás 19 h. no edificio Prazuela de Ponte Valga, o BNG celebrará unha Asemblea Aberta á participación de todas aquelas persoas que sintan que poden aportar ou que queiran formar parte da contrución do proxecto do BNG para Valga.
O noso concello precisa un cambio de raíz; un cambio de modelo de xestión. Desde o BNG estamos construíndo un proxecto transformador para Valga que:
• aposte pola mellora da calidade de vida da veciñanza
• Sexa realmente democrático, participativo e transparente
• Faga que nos sintamos orgullos@s de ser e de vivir en Valga
• Aposte por un concello igualitario e antipatriarcal
• Permita vivir, traballar e gozar en Valga
• Poña en valor os nosos recursos patrimoniais e naturais dunha forma sustentábel.
• Traballe para que a nosa mocidade non teña que marchar de Valga se quere ter un futuro
• Traballe por toda a veciñanza da mesma maneira: sen ningún tipo de discriminación a persoas, colectivos ou entidades
No BNG de Valga consideramos que hai bimbios suficientes para artellar unha candidatura que aborde con seriedade os retos do presente e do futuro de Valga. Que somos moitas e moitos os que sentimos que é necesario un cambio de rumbo, deixar as inercias e afrontar con decisión os grandes retos que temos por diante. É preciso un cambio que traia a Valga modernidade e unha forma de traballar, máis democrática e participativa, acorde co que demenada este século.
Por todo iso desde o BNG animamos a todos os veciños e veciñas que desexan un concello mellor, que participen nesta asemblea aberta onde se van perfilar as grandes liñas da proposta política do BNG para o concello de Valga