O Concello de Pontevedra segue adiante coa programación de Nadal nos barrios e nas parroquias, que se irá intensificando a medida que se acheguen as vacacións escolares. De todos os xeitos, para mañá, 22 de decembro, a maxia, a música e os apalpadores visitarán a cidade.
Dende as 17.00 horas, o local social de Monte Porreiro, vivirá unha tarde de maxia. O mago pontevedrés Pedro Volta fará o espectáculo “Un mago na lúa”.
A partir das 17.30 horas o centro histórico recibirá a visita dos Apalpadores xigantes.
E pola noite, a partir das 20.00 horas, a Orquestras infantil e xove ofrecerá o Concerto de nadal no Auditorio do Pazo da Cultura.
Ademais, permanecen abertos o Poboado de Nadal na praza da Ferraría até o 7 de Xaneiro; Pontexogo no Recinto Feiral e na Alameda, até o 8 de xaneiro; e a XX edición de Pontenadal. Feira de Artesanía e Agasallo até o 1 de xaneiro na praza de España. Estará aberto de 11 a 14, de 17 a 21.30. Os 24 e 31 pecha ás 20,30 horas.
En colaboración con Zona Monumental.
