O Concello retira un cedro que caeu nos xardíns de Padre Feijóo a causa da chuvia e o vendaval

O Concello de Ourense retira arestora un cedro de grandes dimensións que caeu no día de onte, ás 10:30 horas, a causa do vendaval nos xardíns de Padre Feijóo. Segundo advirten os técnicos municipais e os da empresa de mantemento, a árbore atopábase en perfecto estado e a súa caída responde a acumulación de dous factores: as intensas chuvias, que humedeceron extraordinariamente o terreo no que se asentaba a peza, e o forte vendaval rexistrado no día de onte na cidade. Non houbo que lamentar ningún tipo de dano a persoas.