O alcalde de Pontecesures, Juan Manuel Vidal Seage, vén de formular denuncia diante do posto da Garda Civil de Valga polos danos acontecidos durante a noite do 9 de xaneiro en portas pertencentes ás instalacións do pavillón polideportivo municipal. “Agardamos que as investigacións abertas poidan dar coas persoas responsables pois se ben so se botan en falta vinte euros nunha das habitacións, os danos producidos poderían ascender a uns 3.500 euros”, sinala Vidal Seage.
Os danos consisten no forzamento da porta de acceso ás instalacións, así como outras catro portas interiores que foron forzadas e sufriron danos nas súas pechaduras e nos seus marcos. Incluso algunha das portas ten un burato na súa superficie.
