• O Tenente de alcalde Julio López leva 2 días en Madrid de intenso traballo promocionando a vila e o “Galo de Curral”
Julio López comezou este xoves día 19 coa reunión convocada por FEMEMBALSES, onde trataron cuestións referentes ás problemáticas dos concellos que teñen encoros nos seus territorios, e a forma de xestionar as devanditas concesións, tentando non perder poder adquisitivo ao longo dos anos.
Pero o venres foi o prato forte, e nunca mellor dito, porque tras as xestións realizadas polo tenente de alcalde Julio López con Turismo da Xunta de Galicia, conseguiu grazas a Nava Castro e demais responsables do departamento o facerse un oco para poder presentar na Feira Internacional de Turismo “FITUR” “O Galo de Curral de Vila de Cruces” e da mellor maneira, que é cociñándoo de varias formas nun Show Cooking, que fixo as delicias de quen se atopaba alí para poder degustalo.
Vila de Cruces tivo dous pases uno ás 13:30 en plena hora de comer que conseguiu que en minutos esgotásense as existencias do produto, e outro pase ás 15:00 horas que ao correrse a voz esgotáronse as existencias aínda en menos tempo, onde se puido comprobar que o produto tivo unha gran aceptación, en definitiva todo un éxito que Julio López quere agradecer aos cociñeiros de excepción que trouxo á feira nesta ocasión, da man da empresa Culinaria, unha empresa que apostou polo produto de calidade e só consome Galo de Curral de Vila de Cruces para preparar os seus produtos que distribúe a nivel nacional.
Julio López quere agradecer á Xunta de Galicia e en especial á directora de Turismo Nava Castro que apostase por Vila de Cruces e o seu Galo de Curral para esta feira de Fitur 2023, que sen a súa axuda seria inviable que un concello como Vila de Cruces puidese expoñer os seus produtos neste Evento.
Mañá sábado Julio López manterá unha reunión con Médicos sen Fronteiras para darlle solución a un problema enquistado cuns terreos na Vila e que como sempre herdaron de Jesús Otero, e que o goberno de xuntos pretende arranxar canto antes.
