Pazos de Borbén conclúe os trámites para que a Deputación poida acometer a mellora da EP-2702

- Anuncio -

O goberno local xa puxo ao dispor do ente provincial os terreos necesarios para a ampliación do primeiro tramo do vial
O alcalde de Pazos de Borbén, Andrés Iglesias, anunciou durante a sesión de control do pleno municipal celebrada esta mañá que o Concello xa levou a cabo o acordo de colaboración coa deputación de Pontevedra ao finalizar todos os trámites necesarios para que a deputación poida afrontar a reforma da estrada provincial Amoedo-Os Valos.
Así, segundo indicou o alcalde, durante as últimas semanas ultimáronse os detalles necesarios co persoal técnico da deputación para “concretar as actuacións individuais en cada unha das parcelas afectadas pola ampliación do vial”, explicou Iglesias. Do mesmo xeito, indicou que o actual proxecto realizado para o primeiro tramo conta cun orzamento inicial de case 1 millón de euros e afectará a un total de 47 parcelas situadas a ambos os dous lados dos 1.200 metros de vial que se ampliarán, “desde o cruzamento de Vos Valos ata o Cruzamento a Igrexa de Nespereira”, apuntou o rexedor.
Por último, Iglesias aproveitou a sesión plenaria desta mañá para agradecer a todos os propietarios de propiedades afectadas que cederon voluntariamente os seus terreos por “a súa colaboración desinteresada para mellorar a seguridade de todos os veciños”, concluíu o alcalde.