O candidato á alcaldía de Vilaboa, Alberto Acuña, mostra a súa preocupación pola revisión de valores catastrais que está en marcha en Vilaboa.
Alberto Acuña indica que esa revisión levará aos veciños para sufrir un incremento na súa carga do IBI anual e pide ao goberno municipal, encabezado polo socialista Cesar Poza, que o paralice.
Acuña indica que “En moitos dos casos os valores están a incrementarse un 100% , valores que xa foron elevados en 2016 noutro procedemento de revisión”.
Este trámite finalizará cun aumento de imposto para os veciños e o pago retroactivo de anos anteriores.
Acuña pide ao goberno municipal que “module esta subida na ordenanza da urbana porque cada ano as arcas municipais ingresan máis por este concepto”.
Ademas lamenta que “non pode ser que en menos de 10 anos haxa dúas subidas deste importe que en moitos casos superan ao valor de mercado e o primeiro que debe de opoñerse a esta revisión é o nos concello”.
