O alcalde de Poio, Luciano Sobral, presidiu este luns, acompañado por membros do Goberno local e técnicas de Benestar Social e Mocidade, o acto de presentación da campaña solidaria ‘Eu son Gaiat@’, a través da cal o Concello de Poio recadará fondos durante os vindeiros días para enviar á ONG Mozambique Sur. A contía servirá para axudar ás crianzas e á mocidade do orfanato Casa do Gaiato, en Mozambique. Trátase dunha iniciativa que se leva a cabo co gallo do Día Escolar da Non Violencia e da Paz, que se conmemora este luns 30 de xaneiro.
As achegas poderán facerse nos puntos habilitados nos centros educativos de Poio ou tamén de xeito directo na conta ES80 2100 3412 2113 0047 5676. Luciano Sobral lembra que nesta campaña transversal participan as áreas de Benestar Social, Mocidade, Educación, Deportes e Igualdade e agradeceu a implicación do tecido social e a comunidade educativa. Cómpre lembrar que esta proposta solidaria, a través da cal se da un novo xiro á conmemoración do Día Escolar da Non Violencia e da Paz, xorde a raíz do labor realizado pola directora do Centro de Información á Muller, Raquel Morales, en Mozambique, a través dun proxecto impulsado polo Fondo Galego de Cooperación. Tanto nos CEIPS como no IES, entre este luns e os primeiros días de febreiro habilítanse os ‘Rincóns Gaiato’, con furnas para depositar as achegas. Nestes espazos instaláronse, asemade, paneis explicativos, que inclúen un c