- Os traballos contaron cun orzamento de 54.000€ que foron financiados a través da Consellería do Mar
- A Conselleira do Mar, Rosa Quintana, acompañada do alcalde de Soutomaior, Agustín Reguera, visitou esta mañá a sede da Confraría de Arcade para comprobar o resultado dos traballos de reforma realizados a través das axudas autonómicas para a modernización de portos, lonxas e establecementos de primeira venda.
A mellora contou cun orzamento de 54.000€ e inclúe actuacións en case todas as áreas de actividade da confraría. Así, en primeiro lugar, realizáronse reparacións no tellado e na instalación eléctrica ademais de acometer diversas melloras nas paredes do recinto. Do mesmo xeito, acondicionáronse os chans e pavimentos de varias estancias e ampliouse o portalón principal.
Ademais, realizáronse diversas actuacións nas piscinas de establecemento, rehabilitáronse varios departamentos administrativos e melloráronse diferentes elementos de carpintería. Por último, mellorouse o equipamento da confraría coa adquisición dun novo carro remolque que permite sacar as embarcacións da auga para realizar o seu mantemento de forma máis rápida e segura, mellorando así as condicións das máis de 70 naves que operan na confraría.
O alcalde de Soutomaior, Agustín Reguera, agradeceu o compromiso da Consellería do Mar coa confraría local, á que cualificou como “un de principais motores económicos do municipio. Máis de 200 familias viven directa e indirectamente da actividade pesqueira e marisqueira e merécense toda a axuda posible”, concluíu Reguera.
Pola súa banda, Quintana lembrou que a convocatoria deste ano para estas axudas segue aberta ata o 13 de febreiro e animou a todas as agrupacións a presentar os seus proxectos para os que a Xunta de Galicia destino durante o ano pasado máis de 4,3 millóns de euros. “E que este ano aumentará o seu importe ata os 4.6 millóns de euros e serán cofinanciados polo Fondo Europeo Marítimo e de Pesca (FEMP) “, concluíu a Conselleira.
A Confraría de Arcade estrea varias reformas na súa sede
- Anuncio -
Relacionadas
A alcaldesa de Mos estuda co novo Conselleiro, José López, importantes proxectos culturais para...
Destacan entre eles a terceira fase da rehabilitación da antiga Reitoral de Petelos e a posta en valor do Castro de Torroso
A alcaldesa de...
O concello de Bueu consegue o distintivo azul para o Estaleiros de Purro e...
• Este espazo, englobado na zona da Banda do Río, recibe por primeira vez o galardón polo que, segundo destaca o alcalde, “seguimos reforzando...
Alcaldes dos 5 concellos con cárceres reúnense en Madrid con representantes de institucións peninteciarias
Solicitan unha compensación económica pola prestación de servizos públicos municipais e polo custo reputacional e o impacto que supón na súa imaxe dispoñer deste...
Sinalización intelixente e contidos dixitais de enogastronomía, primeiros avances nos proxectos do PSTD do...
Alcaldesas, alcaldes, concelleiros e concelleiras fixeron un balance dos primeiros pasos que se están a dar para levar a cabo iniciativas relacionadas coa transición...
Abre a exposición “Brontë, Shakespeare y otros frikis: Clásicos que has leído sin saber...
Poder visitarse en Tui até o 8 de xuño
Avanzando na programación de “Tui en Letras 2024” a Biblioteca Municipal de Tui acolle ata o...
A campaña de tarxetas regalo do Concello tivo un impacto na economía local de...
Depositáronse no Buzón da Oficina de Turismo algo máis de 3.000 tickets, o que supón un bo síntoma de que moitos marinenses escolleron os...