O Grupo Municipal Socialista de O Irixo INSTA Ó GOBERNO MUNICIPAL Á DEIXAR AS FESTAS DE LADO E TRABALLAR POLO TRANSPORTE PÚBLICO NO IRIXO.
Queremos unha mellora na conexión de tren co Carballiño e Ourense.
É importante que os servizos de tren diarios entre O Carballiño e Ourense restablecidos o pasado mes de decembro por Renfe, se amplíen uns poucos quilómetros, facendo saída e chegada entre O Irixo e Ourense, con paradas en Boborás e O Carballiño, sumando así máis de 3.500 persoas da veciñanza dos concellos de O Irixo e Boborás.
Que como xa acontece noutras comunidades autónomas, onde o acordo entre o seu goberno autonómico e Renfe fai que en situacións similares a plantexada, o tren chegue a máis persoas, ampliándose os traxectos a zonas máis despoboadas para dar un servizo público ata o de agora moi escaso.
Recordar que nos últimos anos son varias as mocions levadas os plenos do Irixo polos socialistas en materia de transporte, a creación dun transporte público entre O Irixo e o Carballiño, instando a participación do Irixo na mesa do transporte creada no ano 2016, a defensa da venda de billetes na estación do Carballiño ou unha moción para crear un transporte público municipal, especialmente os dias de feira, entre O Irixo e O Carballiño, entre outras…
O Portavoz do Grupo Municipal Socialista do Concello de O Irixo, Iago Fariñas Valiña, presentou unha MOCIÓN PARA ESTABLECER/AMPLIAR O SERVIZO DE TREN ENTRE O IRIXO, CARBALLIÑO E OURENSE instando ó Concello a:
1º.- Que o concello de O Irixo inste a implicarse activamente o Goberno Galego da Xunta de Galicia e a Renfe para chegar a un acordo de colaboración que permita ampliar os servizos de tren diarios entre O Carballiño e Ourense tendo saída e chegada no Irixo e incluso parada en Boborás ampliando así o servizo nuns máis de 3.500 habitantes destes concellos.