250 alumnos de Educación Primaria de cinco centros de ensino da cidade participaron na tradicional loita dos mecos
Mañá venres, ás 11.30 horas desde a Praza Maior, partirá o desfile principal de escolares, con 1.500 participantes de 10 centros de ensino da cidade.
Desde as 20:30 horas, haberá animación de rúa con charangas, orquestras e DJ. Toda a información do Entroido, en Ourense.gal
O Xoves de Comadres, que xuntou esta mañá na Praza Maior 250 alumnos de Educación Primaria de cinco centros de ensino da cidade -CEIP Irmáns Villar, CEIP Manuel Sueiro, CEIP Mestre Vide, CEIP As Mercedes e CEIP Amadeo Barroso- marcou o inicio das actividades de Entroido 2023 organizadas polo Concello de Ourense. Os nenos levaron as comadres confeccionadas os días previos coa axuda de especialistas e celebraron a tradicional loita de mecos.
Porén, o día grande dos centros educativos da cidade será mañá, venres 17, cos diferentes desfiles escolares. O máis numeroso terá lugar no centro da cidade e sairá ás 11:30 h da Praza Maior. O alcalde dirixirase aos 1.500 participantes antes do comezo da actividade, que irán acompañados por dúas charangas e unha batucada.
Percorrido: Praza Maior – rúa Valentín Lamas Carvajal – rúa do Paseo- rúa Parque San Lázaro – rúa de Santo Domingo – Praza do Ferro – rúa da Paz – Praza Maior (regreso previsto ás 13.00 h).
Os 10 centros de ensino que participan irán disfrazados tematicamente:
CEIP As Mercedes: Pintores/as
CEE O Pino:animais
CEIP Manuel Luis Acuña: roqueiros/as
CPR Divina Pastora: O fondo mariño, a granxa, xeados
CPR Luis Vives: Vives polo mundo
CPR Mª Auxiliadora: personaxes históricos
CPR Concepción Arenal: magos
CPR San Xosé: Pablo Picasso
CPR A Purísima ; O universo
CPR Maristas: O fondo mariño
Ademais do desfile principal, haberá outros con saída ás 11:00, 12:00 e 12:30 horas respectivamente desde diferentes centros educativos da cidade.
Desfile dos centros da zona das Lagoas
Horario: de 12.00 h a 13.30 h
Percorrido: Praza Mestre Vide -rúa Sáenz Díez-, rúa Florentino López Cuevillas – Avda. Habana- volta arredor da Subdelegación do Goberno- rúa Curros Enríquez – Praza Mestre Vide
Participantes: 800 alumnos e alumnas de: CEIP Mestre Vide, CEIP Manuel Sueiro e CEIP Curros Enríquez
Desfile do CEIP A Ponte
Horario: De 12.30 h a 13.30 h
Percorrido: Saída do centro de ensino- Rúa Xesús Pousa-Rúa Eloxio G. Franqueira- Rúa San Paio-Rúa San Rosendo- regreso ao centro San Rosendo para volver ao centro de ensino.
Participantes: 358 alumnos e alumnas do propio centro.
Desfile do CEIP Virxe de Covadonga
Horario: De 10.30 h a 13.30 h
Percorrido: Saída do centro de ensino (rúa Cibeles) – Recollida do resto de alumnos e alumnas no CEIP As Eiroás (rúa Os Chaos) – parque de Sta Teresita – regreso aos centros de ensino.
Participantes: 250 alumnos e alumnas do CEIP Virxe de Covadonga e das Eiroás
Desfile do CPR Divino Maestre
Horario: De 12.15 h a 13.45 h
Percorrido: centro de ensino- rúa Río Mao (tramo entre as rúas Río Xares e Río Cobas)
Participantes: 340 alumnos e alumnas do propio centro.
Entroido 2023. A festa do Entroido 2023 continuará desde as 19:00 horas coa actuación de Verano Azul Band, o desfile de Entroidos tradicionais, ás 20:00 horas, e os concertos de Festicultores -00:30 h- e as charangas.
