A Comisión de Mobilidade e Obras ditaminou esta mañá a favor a nova Ordenanza do taxi que se debatirá no vindeiro pleno do martes, 28 de abril. A ordenanza foi apoiada polo grupo de goberno e contou coa abstención do grupo municipal do Partido Popular.
Cabe lembrar que a Ordenanza do taxi recollerá tres tipos de tarifa distinta: a tarifa ordinaria que poderá ser actualizada en base ao IPC (non se incrementa dende 2020), a tarifa para destinos fixados como os aeroportos, e unha terceira que será a do transporte a demanda.
