Cardalda e Giménez percorren no vídeo puntos emblemáticos asociados á auga e o termalismo da provincia como os ríos Miño, Sil e Avia; As Burgas, a Ponte Romana, a Ribeira Sacra ou as termas de Prexigueiro
“Ourense é unha sorpresa, unha provincia descuberta dunha forma total a través das súas paisaxes, da súa música e da personalidade da xente, da idiosincrasia dunha provincia interior”, explica o fundador de Golpes Baixos e Cómplices
“Auga son”, rodado baixo a dirección de Eva Nielsen e coa colaboración da Deputación de Ourense no marco do seu Bicentenario, estrearase nun concerto no Teatro Principal dentro da novena edición da ICC Week
Os músicos Teo Cardalda e Sole Giménez gravaron en Ourense o videoclip da canción “Auga soy”, un tema composto polo fundador de Golpes Baixos e Cómplices “pensando nas fontes termais ourensás e no que quixen fundirme coa personalidade e a natureza desta provincia”.
Teo Cardalda e Sol Giménez -vocalista de Presuntos Implicados e cunha longa traxectoria en solitario- percorren no videoclip puntos emblemáticos da provincia vinculados á auga e o termalismo, como os ríos Miño, Sil e Avia; As Burgas, a Ponte Romana, a Ribeira Sacra ou as termas de Prexigueiro. O vídeo foi rodado baixo a dirección de Eva Nielsen coa colaboración da Deputación de Ourense no marco do seu Bicentenario.
O presidente do goberno provincial, Manuel Baltar, mantivo un encontro co equipo de gravación no embarcadoiro de Santo Estevo (Nogueira de Ramuín), recalcando o retorno dun proxecto que “reforza a estratexia termal e turística de Ourense a través da colaboración de dous referentes incuestionables da música nacional”.
“Para un vigués como eu”, explica pola súa banda Teo Cardalda, “Ourense é unha sorpresa, unha provincia descuberta dunha forma total a través das súas paisaxes, da súa música e da personalidade da xente, da idiosincrasia dunha provincia interior”.
O músico e compositor vigués reflexiona que, “despois da pandemia, creo que a unión entre o home e a natureza foi fundamental. Polo menos para min é clave atopar estes recunchos, a paz interior, no mar ou nas riquezas paisaxísticas e a auga de Ourense”.
Estrea na novena edición da ICC Week
Teo Cardalda e Sole Giménez estrearán “Auga son” nun concerto no Teatro Principal dentro da novena edición da Semana de Industrias Culturais e Creativas, a Ourense ICC Week, que se celebrará na provincia do 17 ao 23 de abril.
