● O candidato sinala que a candidatura popular “é un reflexo da sociedade vilanovesa”, que ten o obxectivo de “dar continuidade ao proxecto que cambiou Vilanova de Arousa”.
O presidente provincial do Partido Popular, Luis López, afirmou hoxe que o 28 de maio Gonzalo Durán vai revalidar unha nova maioría absoluta porque “é o candidato dos veciños e das veciñas de Vilanova de Arousa”.
Foi durante a presentación da candidatura, na que tamén participou Román Rodríguez, responsable de Cultura e Educación do Goberno galego. Ao respecto do equipo, López destacou que “está formada por mulleres e homes que levan moitos anos traballando por este concello e ao servicio dos seus veciños, algo que non é de entrañar, pois teñen como referencia a un gran alcalde, a un gran líder, a un traballador nato, un defensor a ultranza de Vilanova de Arousa, de cada unha das súas parroquias, de cada unha das persoas que vivides neste fantástico concello”.
Durante a súa intervención puxo en valor a transformación que conseguiron durante todos estes anos. “Ninguén pode cuestionalo. Non fan falta palabras, aquí hai feitos, hai realidades, hai proxectos, hai servizos. Hai unha xestión eficiente, eficaz e responsable dun alcalde e dun equipo de persoas que se deixan a pel cada día polo seu concello”. Nesta liña, dixo que o segredo é que “non se poñen límites. Pensan en grande, porque pensan en mellorar cada vez máis a calidade de vida dos seus veciños. E estano conseguindo”.
Ademais, expuxo que no Salnés hai dous concellos que son referentes, “e os dous están gobernados polo Partido Popular”. Por iso, pediu “non dar nin un paso atrás. A confianza é o noso maior inimigo. Un só voto é decisivo e pode interromper o magnífico progreso que estades vivindo”. Recordou que en fronte hai varios partidos que teñen un único obxectivo, que é que o PP perda a maioría absoluta para poder repartirse o Goberno local. “Pola contra, o único fin de Gonzalo Durán e desta candidatura é buscar o progreso de Vilanova de Arousa e velar polos intereses dos seus veciños. Por iso, cando as cousas van ben, cando as cousas funcionan, non se cambian”.
Pola súa banda, Gonzalo Durán explicou que a candidatura popular “é un reflexo da sociedade vilanovesa, con xente traballadora do mar, da terra, autónomos, profesionais de todos tipo, mozos e maiores, que combinan experiencia con certa renovación”. Un gran equipo, subliñou, que ten o obxectivo de “dar continuidade ao proxecto que cambiou Vilanova de Arousa, e que se centra en mellorar a calidade de vida dos nosos veciños, facer que, cada vez máis, o noso concello sexa un lugar máis agradable para vivir e con máis futuro”.
Por último puxo en valor todo o traballo feito, “todos dánse conta de que Vilanova de Arousa cambiou e fíxoo para moito mellor”.
CANDIDATURA DO PP DE VILANOVA DE AROUSA
- GONZALO DURÁN HERMIDA
- JAVIER TOURÍS ROMERO
- NURIA MORGADE POUSO
- ELIANA VIDAL FREIRE
- ADRIÁN BAÑOS ABAL
- RUBÉN PARADA PORTAS
- CARLOS NOYA SEÑORÁNS
- ANA MARÍA CARBALLA MAGARIÑOS
- JOSÉ MANUEL RELLÁN REIRIZ
- MARÍA ISABEL MARTÍNS GÓMEZ
- ÁUREA BERMÚDEZ OUBIÑA
- PAULA VIÑAS SANTOS
- MARÍA ROSA LEIRO CONDE
- CARLOS LEDE PÉREZ
- RICARDO CARRO GARCÍA
- YOLANDA DEL RÍO PIÑEIRO
- VICENTE PIÑEIRO OUBIÑA
SUPLENTES:
- ROCÍO RIAL OZORES
- JOSÉ MANUEL RESÚA CORDAL
- LETICIA LÓPEZ MARTÍNEZ
- MARTA PEDROUZO PIÑEIRO
- BENITO PORTAS BLANCO
- MARÍA ROSA RODRÍGUEZ LAGO
- MARÍA SULAY COSTA PIÑEIRO
- JOSÉ RICARDO PÉREZ MOUGÁN
- MARÍA ÁNGELES FRAGUA AGRA
- JULIO BENIGNO PÉREZ SANTOS
