• Tras os seis postos de saída, as seguintes prazas estarán ocupadas por Alejandro Cambeiro Cardelle (7), David Jorge Carral (8), os concelleiros María Dolores Simón Valladares (9) e José Manuel Fernández Otero (10) e Shaila Areán Vázquez (11).
• A candidata, Cati Somoza, expresou o seu agradecemento “a todos os que participan, pola súa implicación e compromiso co PP e con Rodeiro” e tamén a xenerosidade “de todos os que integramos este proxecto para fuxir de protagonismos, colaborar desinteresadamente e preocuparse só dos nosos veciños”.
O Partido Popular de Rodeiro anunciou na xornada de hoxe a súa candidatura completa para as eleccións municipais do 28 de maio destacando a forte aposta pola renovación, a configuración dun equipo preparado para gobernar “dende o primeiro día” e que vai estar pechada polo ex alcalde e presidente provincial do PP, Luis López, que concorrerá como derradeiro suplente.
A formación informou en días pasados que, tras a candidata Cati Somoza, concorrerán nos seguintes postos de saída –os seis coincidintes cos concelleiros que actualmente ten na corporación– o empresario de hostalería Suso López Diéguez (2), a PSX do centro de saúde Elena Gamallo Moure (3), o alcalde Rubén Quintá Quintá (4), o profesor de Educación e futbolista do Rodeiro Pablo Cuñarro Fernández (5) e a concelleira Belén Calvo Mariño (6).
Tras eles, as seguintes prazas de titulares na candidatura popular estarán ocupadas por Alejandro Cambeiro Cardelle (7), David Jorge Carral (8), os concelleiros María Dolores Simón Valladares (9) e José Manuel Fernández Otero (10) e Shaila Areán Vázquez (11).
En canto os postos de suplentes, concorrerán, por esta orde, estes dez veciños: Mirian Eiriz Sobrado, María Isabel Fernández Bardelas, Arianna Cambeiro Saa, María Cruz Buján García, Jesús Fernández Albor, Gonzalo Fernández Pallares, María Isabel Diéguez Méndez, Iago Diéguez Alonso, o edil Pablo Sobrado Vázquez e, finalmente, Luis López Diéguez.
Cati Somoza, tras dar a coñecer a candidatura completa, quixo expresar o seu agradecemento “a todos os que participan, que deron o sí simplemente para que fagamos máis Rodeiro entre todos e que deixaron ben ás claras a súa máxima implicación e compromiso co PP e con Rodeiro”.
Ademais, tamén quixo destacar a xenerosidade de “todos os que integramos este proxecto para fuxir de protagonismos, colaborar desinteresadamente e traballar arreo dende calquera lugar da lista ou fóra dela e de preocuparse exclusivamente dos nosos veciños, que son o único que nos importa nesta andaina”.
Tamén salientou “o enorme esforzo das novas incorporacións xa que van sacrificar o seu propio tempo persoal e familiar para axudar á veciñanza” e, por suposto, a presenza dos concelleiros: “María, José Manuel e Pablo fixeron un grandísimo traballo estes anos e seguen a estar con nós. Son xente magnífica coa que sempre estarei en débeda pola súa xenerosidade e colaboración”.
Finalmente, tamén se referiu a Luis López, “do que cre que sobra todo o que digamos, porque que alguén coma el, con todas as responsabilidades que ten, acepte con total humildade ocupar o derradeiro posto da candidatura e estea a traballar como o que máis, fala perfectamente de como é, e non fai falla que diga nada del porque en Rodeiro todo o mundo o coñece e ten o cariño e admiración de todos os veciños”.
