• “O noso programa céntrase nas persoas, no servizo á cidadanía, e na posta en marcha de todas aquelas iniciativas e proxectos que entendemos son básicos e importantes para garantir o benestar e mellorar a calidade de vida da veciñanza”, explica.
O Partido Popular de Fornelos de Montes concorre ás eleccións municipais do 28 de maio cunha candidatura, liderada por Antía Rodríguez, composta por “xente moza, ilusionada, comprometida e formada, pero sobre todo convencida de que outro concello é posible. Un equipo que comparte as gañas de traballar por e para Fornelos, que aporte novas ideas”, destaca Antía Rodríguez.
Por iso, a candidata sinala que o 28 de maio os veciños terán a ocasión de decidir que proxecto e que equipos queren para construír o futuro do concello. “O noso programa céntrase nas persoas, no servizo á cidadanía, e na posta en marcha de todas aquelas iniciativas e proxectos que entendemos son básicos e importantes para garantir o benestar e mellorar a calidade de vida da veciñanza”, explica.
Antía Rodríguez fai un chamamento a todos os votantes do concello, “sen importar a súa cor política”, para que nestas eleccións “poidamos dar voz de verdade a todos os veciños. Para, entre todos, facer un Fornelos de Montes máis vivo”.
Por último, adianta que nos quince días de campaña ata o 28 de maio, farán “unha campaña en positivo e a pé de rúa”, dando a coñecer o seu proxecto, explicando cales son as iniciativas, os servizos e investimentos que queren poñer en marcha e pedindo o voto para “o proxecto de maiorías” do Partido Popular.
CANDIDATURA DO PP DE FORNELOS
1 ANTÍA RODRÍGUEZ ÁSPERA
2 MANUEL ARZÚA DOPAZO
3 MIKEL GARRIDO CASAL
4 MARÍA INÉS COUSIÑO OITAVÉN
5 MARCIAL ALVARIÑO PALMEIRO
6 LAURA FIDALGO GARRIDO
7 GRACIELA LORENZO CANDA
8 HÉCTOR VIDAL CORTÉS
9 CONCEPCIÓN MARTÍNEZ RUBIANES
SUPLENTES:
1 FRANCISCO AMOEDO LORENZO
2 JOSÉ COSTAS FISCHER