José Luis Suárez incidiu na súa intervención na aposta por situar ao Castelo de Monterrei como “un elemento dinamizador turístico chave para o noso concello”, ademais de continuar a “recuperación integral do Balneario de Requeixo”
O presidente dos populares ourensáns e candidato á reelección ao fronte da Deputación de Ourense destacou no mitin, celebrado esta noite na Casa da Cultura de Albarellos, “os froitos do traballo de José Luis Suárez e o Partido Popular en prol do desenvolvemento de Monterrei”
“Este domingo, José Luis Suárez obterá de novo unha confianza maioritaria dos seus veciños. Porque el e todo o seu equipo de goberno teñen sido fundamentais no posicionamento de Monterrei coma un dos concellos máis visibles da comarca e de toda a provincia de Ourense”
Manuel Baltar definiu a José Luis Suárez como un “alcalde exemplar polo seu coñecemento do territorio e capacidade de xestión”, lembrando tamén a súa presidencia da Mancomunidade de concellos de Monterrei como “outro exemplo máis do seu liderado”
“O PPdeOU ten proxecto para seguir facendo Monterrei e sabe como poñelo en marcha. Aquí non hai experimentos, presentamos traballo e compromiso. E por iso a veciñanza so ten unha opción de futuro para este concello: votar a José Luis Suárez e ao Partido Popular”
O Plan de Mandato 2127, destacou Manuel Baltar, inclúe a creación da entidade xestora do Castelo de Monterrei, “un dos grandes eixos de desenvolvemento de Monterrei e de toda a provincia de Ourense”, ademais de medidas encamiñadas a potenciar o sector primario e o enoturismo, blindar os servizos públicos ou seguir facilitando o emprendemento da mocidade
JOSÉ LUIS SUÁREZ: “CONTINUAREMOS REFORZANDO A ATENCIÓN AOS NOSOS MAIORES A TRAVÉS DO SERVIZO DE AXUDA NO FOGAR, E ACTIVAREMOS O SERVIZO DE LAVANDARÍA E PRANCHADO NA CASA”
O candidato popular destacou na súa intervención desta tarde as liñas mestras do seu programa, afondando na importancia de reforzas as liñas de cooperación abertas coa Deputación de Ourense e a Xunta de Galicia para “seguir construíndo Monterrei”, con fitos estratéxicos como o Castelo de Monterrei ou o Balneario de Requeixo
“Continuaremos reforzando a atención aos nosos maiores a través do Servizo de Axuda no Fogar municipal, e activaremos o servizo de lavandaría e planchado na casa”, explicou José Luis Suárez
“Seguiremos impulsando as políticas de fomento de emprego e reforzaremos a nosa aposta polo sector vitivinícola”, incidiu José Luis Suárez, que tamén destacou a importancia de aprobar un novo PXOM para o futuro do concello
“Complementaremos os puntos illados onde non hai saneamento e depuración, e implantaremos sistemas de telexestión nas luminarias públicas”, explicou o candidato, que tamén sinalou que “seguiremos mellorando as nosas estradas e camiños e continuaremos renovando os servizos básicos nos nosos pobos”
“Apostamos polo Castelo de Monterrei como un elemento dinamizador turístico chave para o noso concello, ademais de continuar a recuperación integral do Balneario de Requeixo”
“Seguiremos impulsando proxectos culturais que respectan as nosas tradicións e costumes: apoio á Xuntanza internacional de gaiteiros e á Festa da Vendima”
“Construiremos novos locais sociais nos núcleos de Monterrei onde aínda non foi posible e reformaremos os que o necesiten, ademais de potenciar a aula tecnolóxica itinerante”
