test
Home Verín Oímbra Oímbra festexa a fin da vendima coa recreación do prensado nos lagares...

Oímbra festexa a fin da vendima coa recreación do prensado nos lagares rupestres

- Anuncio -

A sala de prensa da Deputación acolleu a presentación deste festexo que recrea unha tradición secular da viticultura de Oímbra, tal e como explicaron a alcaldesa, Ana Villarino; e o deputado de Representación Institucional, Rosendo Fernández

“A Deputación está sempre ao carón da recuperación e posta en valor do patrimonio inmaterial da provincia, e bo exemplo é este evento festivo que o domingo 24 de setembro unirá tradición e cultura do viño en Oímbra”, sinala Rosendo Fernández

O municipio de Oímbra sempre estivo ligado á viticultura, chegando a ser unha potencia desde hai séculos, tal e como testemuña a maior concentración de lagares rupestres catalogados que existen en Galicia, contabilizándose máis de 20. Esas estruturas, xa desde a época medieval, amosan a tradición da vinificación nas propias viñas, e como logo se transportaba o viño cara as adegas. Baixo estes parámetros, o Concello de Oímbra organiza desde 2018 a “Recreación do Prensado nos Lagares Rupestres”, só interrompida durante os anos 2020 e 2021 por mor da pandemia.

Así, o explicou a alcaldesa de Oímbra, Ana Villarino, durante a presentación desta recreación festiva que tivo lugar na sala de prensa da Deputación, e na que estivo acompañada polo deputado de Representación Institucional, Rosendo Fernández, quen salientou que “a Deputación está sempre ao carón da recuperación e posta en valor do patrimonio inmaterial da provincia, e bo exemplo é este evento festivo que o domingo 24 de setembro unirá tradición e cultura do viño en Oímbra”.

“A Recreación do Prensado nos Lagares Rupestres” comezará co tradicional pisado de uvas (en tempos, só pisaban os homes, pero agora tamén o fan as mulleres) no lagar de Xan Preto, onde o Concello de Oímbra realizou unha réplica de prensa en madeira, transportando logo o viño resultante nun “carrillo” tirado por un “macho” (un equino así coñecido na zona), levando así os cántaros para encher os pipotes na adega, que estará no Lagar das Barrocas. Está previsto que se pisen uns 600 quilogramos de uva, das variedades godello, treixadura e dona branca. Tras facer toda a recreación, terá lugar a festa con todos os veciños e participantes, festexando deste xeito a fin da vendima.

Relacionadas

Luis Menor ponse a disposición da militancia para ofrecer a Ourense un proxecto de...

0
·        Para un labor máis eficiente dos representantes públicos en calquera área, pero cunha especial atención ao mundo local, propuxo recuperar o gabinete de asesoría...

O Concello celebra a proposta do COE de que a ourensá Támara Echegoyen sexa...

0
O alcalde Gonzalo Pérez Jácome asegura que “é un orgullo e unha inmensa ledicia” para Ourense, e destaca a figura da regatista, campioa olímpica,...

O goberno municipal pon en valor que as Festas de Ourense 2024 foron “das...

0
As Festas de Ourense 2024 foron "das máis participativas dos últimos anos aínda que tiveron un custo inferior á media dos últimos 20 exercicios...

A Deputación de Ourense, finalista nos Premios do Congreso de Innovación e Servizos na...

0
O proxecto presentado pola administración provincial é a “Área de Benestar: Administración Electrónica Multicanle orientada á Cidadanía”. Os outros dous finalistas xunto á Deputación...

A Deputación e a Casa Museo de Rosalía de Castro colaborarán na divulgación en...

0
O presidente da Deputación de Ourense, Luis Menor, recibiu no Pazo Provincial ao presidente da Casa Museo de Rosalía de Castro, Anxo Angueira, para...

Luis Menor inicia un percorrido pola provincia para dar a coñecer a súa candidatura...

0
·      Na sede popular en Celanova e no salón de actos do Concello de Bande, o candidato detallou un programa de partido estruturado en dúas...

Publicacións Relacionadas