• Convoca un pleno Extraordinario Urxente, con menos de 24 horas de antelación e sen ningún tipo de xustificación real.
• Falsea o ingresos, dado que existe unha retención efectiva dende xullo de 2023, do 50% na Participación de Tributos do Estado que Piña oculta.
• Aproba un complemento salarial de 6.300,00 € para o Exedil de ciudadanos que ademais de ilegal, rompe co principio de igualdade entre empregados públicos-
No día de onte, o goberno socialista do Concello da Cañiza, ven de aprobar os orzamentos para o ano 2023 nun pleno Extraordinario Urxente.
Pilar Vicente Iglesias, que onte exerceu de voceira popular, argumenta que a urxencia do Pleno non está xustificada, xa que o goberno tivo tempo de sobra para aprobar os orzamentos deste ano sen ter que esperar ao último momento, cuestión que ratifica o Informe da Intervención Municipal que di que “carecen de toda lóxica xa que o ano está a piques de rematar” e que “se terían que aprobar uns orzamentos para o 2024 que entrasen en vigor a 1 de xaneiro.” Tamén se explica no informe que “se incumpre o principio de estabilidade orzamentaria e que se manteñen as anomalías dos presupostos anteriores”.
Piña falsea os datos dos ingresos municipais, sendo isto moi grave, dado que, e segundo o informe da intervención municipal, existe unha retención efectiva dende xullo de 2023, do 50% na Participación de Tributos do Estado, polo que a previsión de ingresos neste capítulo estaría incorrecto, dado que hai que consignar concretamente a metade dende xullo a decembro de 2023 dos ingresos efectivo por PTE.
Vicente afirma que o alcalde ten que recorrer a un pleno urxente para aprobar uns orzamentos co único obxectivo de legalizar un complemento salarial para reforzar a área de turismo (que non ten nin concelleiro designado), que ascende a 6.300,00 €. Este complemento aprobado de maneira ilegal (Informe da Intervención Municipal), está creando un gran malestar entre os empregados municipais, e segundo lle consta o Partido Popular, vai destinado ao que foi edil de ciudadanos no anterior mandato e facilitou a alcaldía a Piña no 2019.
A popular Pilar Vicente, fixo constar en acta que desde o seu grupo e por todo o referido anteriormente, recorrerán ao Xulgado a aprobación destes orzamentos ilegais.
