Home Ourense A Limia O Grupo Popular nos concellos Xinzo, Porqueira e Transmiras reclama solucións ao...

O Grupo Popular nos concellos Xinzo, Porqueira e Transmiras reclama solucións ao Goberno de Sánchez sobre o financiamento do Plan de Regadío

- Anuncio -

· Instan ao Ministerio de Agricultura, Pesca e Alimentación a que promova un cambio lexislativo que permita non repercutir o IVE non deducible aos regantes e, no caso de que este non fora posible, asumir a financiación do 80% de dito IVE

· Tamén piden que o Ministerio revise o esquema de financiamento do convenio para evitar que os regantes teñan que avalar o montante total do seu investimento

O Grupo Popular nos concellos de Xinzo, Porqueira e Trasmiras levarán aos plenos municipais dos seus respectivos territorios unha moción na que reclaman ao Goberno de Sánchez solucións a o financiamento do Plan de Regadío.

Na moción solicítanse tres puntos de acordo. Por una banda, instar ao Ministerio de Agricultura, Pesca e Alimentación a que promova un cambio lexislativo que permita non repercutir o IVE non deducible aos regantes e no caso de que este non fora posible, asumir a financiación do 80% de dito IVE. Tamén reclaman ao Ministerio de Agricultura, Pesca e Alimentación que revise o esquema de financiamento do convenio para evitar que os regantes teñan que avalar o montante total do seu investimento. E, ademais, instan á Xunta de Galicia e á Deputación de Ourense a que asuman a financiación do 20% do IVE da actuación, no caso de que non se acade o cambio lexislativo que permita a súa non repercusión.

Argumentan os populares que A Limia é unha potencia agropecuaria na nosa comunidade, polo que a modernización do seu regadío “vai máis aló da necesidade inquebrantable da sustentabilidade da actividade levada a cabo alí”.

O compromiso adquirido polo Goberno galego permitiu dar continuidade a aposta a prol da optimización do regadío da comarca da Limia e, en particular, de catro comunidades de regantes –San Salvador de Sabucedo, Lamas-Ganade, Corno do Monte e Alta Limia–, principais beneficiarias da construción de 40 pozos para a captación de augas subterráneas (2.576 hectáreas que beneficiarán a 1.822 agricultores) e da instalación do sistema de bombeo, próximo á súa finalización.

Estas actuacións supuxeron un investimento de 7 millóns de euros de fondos autonómicos e grazas a ditas actuacións este proxecto pode continuar co seu desenvolvemento. Ao mesmo tempo, foi o Goberno galego o que negociou a inclusión do proxecto no programa nacional de modernización do regadío 2021-2027, que segundo datos de Ministerio de Agricultura, conta cun investimento global superior aos 2.340 millóns de euros e pretende actuar en arredor de 700.000 hectáreas. Desta cantidade, o que se destina ao proxecto da Limia, 35 millóns de euros, so representa un 1,5%. No convenio firmado coa comunidade de regantes o goberno central asume o financiamento do 80% do investimento, 28 millóns de euros, e os regantes asumen o 20% restante , 7 millóns, ademais da totalidade do IVE da actuación que non ten carácter deducible. E dicir, os regantes soportan o 41% do coste total.

O PP, ao carón dos produtores e regantes

O Partido Popular de Xinzo, Trasmiras e Porqueira está ao carón dos produtores e regantes “e por iso reivindicamos melloras que redunden no beneficio dos produtores desta comarca solicitando ao Goberno central un esforzo adicional que se traduza en novos investimentos para a mellora do regadío e que isto non supoña sobrecustos para os nosos veciños que se podan evitar”.

Os asinantes da moción piden un un compromiso adicional respecto de asumir a financiación do 80% do IVE, ou que se promova un cambio normativo para que non se repercuta o IVE ós regantes. Ao tempo, propoñen que se revise o esquema de financiamento do convenio para evitar que os regantes teñan que avalar o montante total do seu investimento, “o que suporá uns sobrecustos financeiros de preto de 2 millóns de euros”, explican os populares, que demandan tamén á Xunta e á Deputación “que colaboren nese esforzo adicional en apoio aos regantes, sufragando o 20% do IVE da actuación”.

Relacionadas

Luis Menor e Lete Lasa revisan no Pazo Provincial proxectos en infraestruturas deportivas

0
O presidente da Deputación de Ourense, Luis Menor, e o secretario xeral para o Deporte, José Ramón Lete Lasa, mantiveron hoxe unha xuntanza no...

Máis de 700 escolares celebraron o Día das Letras Galegas na Praza Maior, nun...

0
Alumnado dos colexios da cidade rendeulle homenaxe ás letras e á poeta homenaxeada, a través de cancións, bailes, poesías e manifestos Máis de 700 escolares...

O Partido Popular de Ourense conmemora o Día das Letras Galegas poñendo en valor...

0
O Partido Popular de Ourense celebrou esta tarde un acto para conmemorar o Día das Letras Galegas, ao carón do monumento do escritor ourensán...

A Xunta de Goberno Local aprobou 24 acordos na súa sesión ordinaria desta semana

0
A Xunta de Goberno Local do Concello de Ourense aprobou 24 acordos na súa sesión ordinaria desta semana, que se desenvolveu esta mañá no...

A XV BTT de Maceda – Copa Deputación reunirá ao redor de 250 participantes

0
O asesor de Deportes da Deputación, Quique Álvarez, participou hoxe en Maceda, na presentación da XV BTT de Maceda – Copa Deputación que se...

O escultor ourensán Xosé Cid presenta o catálogo “Silencio e materia” que recompila os...

0
O director da Área de Cultura e Deporte da Deputación, Marcos Vázquez, participou hoxe na presentación deste catálogo no Centro Cultural Marcos Valcárcel, onde...

Publicacións Relacionadas