A alcaldesa achegouse a cociñarlles empanadas de carne e o menú completouse con tortillas, postres variados e outras viandas aportadas pola veciñanza da parroquia
Mos, e toda a parroquia de Torroso en concreto, quixeron volcarse hoxe coas súas contribucións para celebrar o primeiro aniversario do Centro de Día para maiores O Son do Regueiro.
O grupo de acordeóns da Escola de Música achegouse a amenizarlles a xornada a usuarios e traballadores do centro, e a veciñanza da zona preparoulles os seus mellores pratos para que puideran degustar durante o xantar de hoxe. Precisamente para elo achegouse ata alí a alcaldesa de Mos, Nidia Arévalo, acompañada polo seu tenente de alcaldesa, Camilo Grandal.
A rexedora local mosense cociñoulles na cociña do propio centro unhas empanadas de carne que formaron parte do menú do xantar de hoxe que se completou con tortillas, postres variados e outras viandas aportadas por veciños e veciñas da parroquia.
Un total de 27 usuarios e usuarias do Centro de Día degustaron este mediodía un menú especial e moi caseiro para celebrar o primeiro ano de vida de O Son do Regueiro.
Pola súa banda a alcaldesa de Mos, Nidia Arévalo, descacou “o gran labor do Centro de Día de Torroso no coidado dos nosos maiores, parte fundamental da nosa sociedade, aos que tanto lles debemos, e aos que me honra poder cociñarlles hoxe”. “O principal ingrediente destas empanadas que lles estou a preparar é un inmenso cariño”, apuntou.
