Accidente de tráfico na N-6 á altura do punto quilométrico 556 ao seu paso polo concello de Aranga

Os bombeiros do Parque Comarcal Provincial de Betanzos foron alertados ao redor das 12:30 de horas da mañá de hoxe, 25 de abril, dun accidente de tráfico no concello de Aranga, preto da saída de Montesalgueiro na N-6, á altura do punto quilométrico 556.
Na chegada ao lugar os bombeiros identificaron a incidencia como unha saída de vía dun vehículo que non obstaculizaba o tráfico rodado. Os efectivos desprazados colaboraron na liberación do condutor para ser trasladado a un centro sanitario.
Completaron o operativo a Garda Civil de Tráfico, o 061 e o GES CURTIS.