Ante o que consideran un ataque sen precedentes ao lexítimo Presidente de España e aos valores democráticos do noso Estado de Dereito, o PSOE recollerá firmas na Praza da Igrexa.
Este sábado dende as 11 horas da mañá o Partido Socialista de Ponteareas e os socialistas de toda a Comarca reuniranse na Praza Bugallal de Ponteareas para amosar o apoio absoluto a Pedro Sánchez mediante unha recollida de firmas.
Non se trata simplemente, afirman os socialistas, dun ataque a unha persoa concreta senon que estamos ante unha cuestión de vital importancia para todos os que defendemos a democracia. “Somos os cidadáns os que ostentamos a soberanía nacional, da que emanan os poderes do Estado”, afirma Delfín Domínguez, Secretario Xeral do PSOE de Ponteareas.
Os socialistas resaltan que o que pretende un conglomerado de poderes políticos, económicos e mediáticos é subvertir o Estado de Dereito utilizando mezquinas artimañas para derrocar ao lexítimo Presidente do Goberno de España.
É preciso poñer fin a todas estas prácticas e frear o clima de crispación e violencia que estamos a vivir e que ameaza a convivencia en paz de todos e todas.
A política é unha arte noble cando se exerce con dignidade e respeto aos cidadáns. A política no noso país permitiu acadar dereitos básicos para as persoas e por iso cómpre defender o noso Estado democrático, xa que otorga voz a todos os cidadáns por igual, indistintamente do poder económico ou social que poidan ter.
