- O acordo, acadado entre o Consorcio e a parte sindical o pasado 4 de abril, foi aprobado esta mañá na sesión de pleno ordinario do Consorcio.
- En dita aprobación inclúese tamén o recoñecemento da antigüidade dos bombeiros.
O Consorcio Provincial Contra Incendios e Salvamento da Coruña celebrou esta mañá na sede da Deputación da Coruña unha sesión de pleno ordinario encabezada polo presidente do ente provincial, Valentín González Formoso, na que se oficializou a aprobación definitiva do recoñecemento de 174 efectivos como persoal laboral fixo, sendo a entidade coruñesa a primeira en facelo dentro do ámbito autonómico.
Deste xeito formalízase con carácter oficial o acordo acado o pasado 4 de abril entre o Consorcio Provincial coruñés e os profesionais, segundo o cal, ademais do paso a persoal laboral fixo das 174 prazas subrogadas desde o 1 de xaneiro de 2020 das empresas que prestaban o servizo, tamén se recoñece a antigüidade dos traballadores e traballadoras.
Reparto dos efectivos
Con esta modificación da cualificación xurídica da natureza da relación laboral do persoal subrogado o reparto nos dez parques provinciais é o seguinte:
| Parque | Sarxentos | Cabos | Bombeiros | Total |
| Arteixo | 1 | 5 | 10 | 16 |
| Arzúa | 0 | 5 | 12 | 17 |
| As Pontes | 1 | 6 | 10 | 17 |
| Betanzos | 1 | 5 | 11 | 17 |
| Boiro | 1 | 5 | 11 | 17 |
| Carballo | 0 | 5 | 11 | 16 |
| Cee | 1 | 6 | 11 | 18 |
| Ordes | 1 | 5 | 12 | 18 |
| Ribeira | 1 | 5 | 6 | 12 |
| Santa Comba | 1 | 6 | 11 | 18 |
| Vacantes | 8 |
