Nunha situación de emerxencia sanitaria, o Concello de Pazos de Borbén enfróntase á carencia do reforzo dun médico fixo para atender aos aproximadamente 1800 veciños e veciñas que dependen do centro médico local. A pesar das xestións previas e da reunión anterior no mes de novembro, a situación non mellorou e actualmente atopámonos sen pediatra e sen reforzo para a única facultativa dispoñible.
Ademais, é alarmante que para conseguir unha cita médica en Pazos de Borbén se requira esperar máis de 20 días, o cal é inaudito e pon en risco a saúde da poboación.
O Alcalde Otero solicitou unha nova reunión urxente co Xerente do Área Sanitaria de Vigo, o señor Javier Puente, quen é responsable directo do persoal do centro médico de Pazos de Borbén. É evidente que o xerente non cumpriu coas súas promesas anteriores, o que agrava a situación e aumenta a preocupación da comunidade.
O Alcalde de Pazos de Borbén confía en que esta nova xestión leve a unha solución inmediata. A administración local seguirá traballando incansablemente en colaboración coas autoridades sanitarias para resolver este problema crítico e garantir a saúde da comunidade