En diferentes ocasións o concello de Vilagarcía ten recurrido á prolífica relación de artistas plásticos cos que conta a nosa cidade, para embellecer e revitalizar distintos espazos urbanos. Un deles foi a actuación de diversas obras de arte no chan das rúas Baldosa e Valentín Viqueira, hai case trinta anos, da man de artistas recoñecidos como César Lombera, Chaves, Uxío, Chazo ou Xan Paz, entre outros.
Ditas obras sufriron as consecuencias das remodelacións da rúa Baldosa sufrindo evidente deterioro ou, nalgún caso, a desaparición. Dada a urxencia de actuar sobre elas, procede, a ollos do BNG de Vilagarcía, cumplir coas promesas realizadas no seu momento de evitar a súa desaparición, restaurando as que quedan, e poñéndoas en valor. Para iso, será preciso poñer os medios económicos e de regulamentación necesarios para que a veciñanza poida disfrutalas e, se cabe, buscar unha vez máis a colaboración cos autores, que xa elaboraran unhas directrices hai seis anos, en aras de adoptar a mellor das solucións posibles.