Trasládase ao domingo 28 de xullo ás 18.00 horas
Por causas meteorolóxicas o escape room de Fornelos de Montes adiarase ao domingo 28 de xullo ás 18.00 horas. As persoas xa inscritas nesta actividade non deben volver a rexistrarse.
‘Eureka Reto Rural’ sorprenderá ás e aos participantes con este novo desafío en Fornelos de Montes, unha xornada chea de probas, enigmas e retos para coñecer un pouco máis a historia e o patrimonio da vila e achegarse á tradicional Festa da Chanfaina e da Carne do Suído. O escape room partirá ás 18.00 horas do Centro Multiusos, na zona axardinada na rúa das Escolas número 4, para desfrutar dunha ruta circular de dificultade moderada.
As persoas que desexen participar deberáninscribirse de forma individual a través do formulario habilitado na web do Xeodestino Ría de Vigo e Baixo Miño e acudir ao punto de encontro. Todas e todos os menores de 12 anos deben ir acompañados dunha persoa adulta. Para as persoas que non poidan desfrutar desta experiencia o día do estreo, o escape room permanecerá aberto ao público durante un mes a través da web do Xeodestino Ría de Vigo e Baixo Miño.
