Félix Juncal, alcalde de Bueu, e membros do equipo de goberno manterán este mércores unha reunión co Xefe da Policía Local para abordar os novos aparcadoiros públicos cos que a vila contará de cara aos próximos días.
Conscientes de que o verán é unha época complexa cunha gran mobilidade, o goberno leva semanas traballando na consecución de novas áreas de estacionamento, que van garantir que a veciñanza local poida aparcar os seus vehículos con garantías. O mapa de aparcadoiros públicos anunciarase esta semana, e neles acometeranse actuacións de posta a punto así somo un reforzo na propia sinalización.