O Club Natación Mos ofrece un mes de proba gratuíto, en setembro ou outubro, a nenos nados entre os anos 2017 e 2012.
- O Club Natación Mos co obxectivo de potenciar a Natación en Mos e a comarca oferta un mes de proba gratis a nenos nados entre 2017 e 2012, para que proben un “dos deportes máis sans e completos que existen” e tamén co obxectivo de que perdan o “medo” existente cos clubs.
- “O noso obxectivo é que veñan probar connosco, sen ningún tipo de compromiso, que vexan como traballamos, coñezan ao resto de nadadores do club e que se lles gusta únanse ao noso club”
- O único requisito é que os nenos saiban nadar por se sós 25m a crol e a costas sen axuda de materiais de flotación. As prazas poderán ser reservadas a través do correo electrónico enviosmos@gmail.com.