Baiona reuniu este verán a destacados catedráticos e especialistas no Ciclo de Conferencias Culturais organizado pola concellería de Cultura no Multiusos Mercado de Sabarís.
As Conferencias do Verán 2024 chegan ao seu fin tras varios relatorios que durante os xoves congregaron a numeroso público interesado en coñecer os distintos temas expostos.
As charlas celebráronse todos os xoves de xullo e agosto no mesmo escenario e á mesma hora (20:00 horas) con entrada libre e gratuíta.
Mañá, xoves 22 de agosto, Iñaki Custa Zabala, ex alto directivo de Altos fornos de #Vizcaya charlará sobre: “Esencias de África. Unha sociografía de xentes e pobos da África ignorada”.