• As renovacións nas actividades deportivas de adultos e deportes federados realizaranse de forma automática e as novas altas tramitaranse na sede electrónica ou no rexistro municipal.
• O alumnado das actividades culturais deberá darse novamente de alta nas actividades fóra de Coser é fácil e Palillos e Manualidades, cuxa renovación é automática.
• A inscrición para a escola municipal de música será o próximo 4 de setembro.
O Concello de Abegondo presentou a súa ampla oferta de actividades culturais e deportivas para o próximo curso 2024-2025.
No apartado deportivo, as renovacións de adultos e deportes federados que finalizasen o curso no pasado mes de xuño realizaranse de forma automática, mentres que aqueles que desexen darse de alta no resto das actividades ofertadas poderán tramitar a súa inscrición a través da sede electrónica municipal ou entregando no rexistro municipal as pertinentes solicitudes dispoñibles na web municipal.
O pago poderá realizarse por curso completo ou mensual (obrigatoria domiciliación). Ademais, as familias numerosas e maiores de 65 anos terán un desconto do 15%, o mesmo que as persoas con discapacidades acreditadas iguais ou superiores ao 33%. No caso de ter dereito a máis dun desconto soamente aplicarase un deles.
O programa de actividades deportivas municipais para os máis novos engloba disciplinas como fútbol, balonmán ximnasia rítmica, patinaxe, taekwondo, ballet, street dance ou hípica.
Os maiores do fogar poderán participar en crossfit, a partir do mes setembro, micro adestramento en grupos reducidos, adestramento fitness total e actividades fitness como Pilates, Ximnasia Saúde, Hit-Core, Ioga ou Aeróbic Zoa.
O ciclo indoor ou o fútbol sénior (para maiores de 30 anos) son outras das modalidades ofertadas, do mesmo xeito que as actividades por parroquias, con presenza en Figueroa (Ioga), Mabegondo, Limiñón e Sarandós (Ximnasia de mantemento ou Pilates).
A oferta complétase con actividades físico-recreativas como as saídas polo medio natural, o Programa Adestra Saúde ou Ximnasia Saúde.
Pola súa banda, o ximnasio municipal mantén a posibilidade de matricularse no ximnasio municipal a partir dos 13 anos durante todo o ano por 15 euros ao mes, con bonos descontos familiares.
Amplo programa cultural para todos os públicos
As actividades culturais municipais inclúen actividades extraescolares ao mediodía para os mozos do municipio con propostas como manualidades, pintura, teatro ou informática, entre outras.
As escolas municipais, dirixidas a todas as idades, ofertarán leste curo clases de costura, ganchillo, palillo, manualidades, pintura, elaboración de curtametraxes, mindfulness, artes escénicas, actividades educativas, talleres florais, culinarios, maxia, fotografía ou tapicería.
Apóstase novamente pola conciliación a través do programa Concilia e Abteca que incorpora a novidade do coidado de mañá para o alumnado do CEIP San Marcos. Así mesmo, o CeMIT ofrecerá novamente diferentes cursos de dixitalización e a aula municipal de idiomas ofrecerá clases de inglés para mozos e adultos.
Todo o alumnado deberá darse novamente de alta nas actividades fóra de Coser é fácil e Palillos e Manualidades, cuxa renovación é automática.
A escola municipal de música abrirá as inscricións o 4 de setembro
Os alumnos da escola de música municipal poderán inscribirse o próximo 4 de setembro de forma presencial, tendo oportunidade de reservar con anterioridade a súa cita chamando ao 981 647 909 para evitar esperas.
Durante o próximo curso ofrecerase formación en linguaxe musical, múltiples instrumentos ou ensaios grupais de canto danza e DJ.
Ademais, os amantes da música poderán incorporarse se así o desexan a agrupacións locais como a banda de música de Abegondo, contactando co 660 822 684, ou a través de bandaabegondo@gmail.com ou da Asociación Do Lado Do Sol, en doladodosol2019@gmail.com.
Para unha información máis detallada, os interesados poden contactar co Concello (981 647 909) ou nos diferentes puntos de atención deportiva e cultural incluídos na programación.
