O luns 2 de setembro comeza o prazo para inscribirse nos Clubs de Lectura das Bibliotecas Municipais de Redondela. Un club de lectura é unha xuntanza periódica onde un grupo de persoas comentan diferentes libros, obras que previamente cada unha delas leu de xeito individual. Nas Bibliotecas Municipais de Redondela e Chapela as reunións son mensuais.
A actividade é de balde e as bibliotecas proporcionan os libros para cada sesión. As persoas participantes teñen que ter cumpridos os 18 anos, ter o carné de socias das Bibliotecas Municipais de Redondela, ou ben de calquera outra biblioteca da Rede de Bibliotecas Públicas de Galicia, e inscribirse previamente nun dos clubs. En calquera caso, o carné das bibliotecas pode facerse no mesmo momento da inscrición. As xuntanzas comezarán no mes de outubro. Na Biblioteca P.M. Valle-Inclán de Redondela serán o terceiro venres de cada mes, e na Biblioteca P. M. Xela Arias de Chapela o terceiro luns de cada mes. Máis información nas propias bibliotecas.
Redondela: Multiúsos da Xunqueira, teléfono 986 40 15 61 ou no enderezo electrónico bibliotecaredondela@redondela.gal
Chapela: Multiúsos do Piñeiral, teléfono 986 45 42 26 ou no enderezo electrónico bibliotecachapela@redondela.gal
