O Goberno municipal de Redondela está traballando nun proxecto co fin de definir as actuacións necesarias para levar a cabo o acondicionamento e mellora do pavimento de distintos camiños no termo municipal. Os camiños onde se van facer estas actuacións son :
Camiño Fogueteiro en Quintela, Camiño Carreteira en O Viso, Camiño Estrada da Quintana en Reboreda, Camiño Lugar de Vaqueiro de Cesantes, Camiño Subida á Estación (Redondela), Camiño do Cusqueiro en Vilar de Infesta, Camiño Coto do Coello en Cedeira e Baixada da Rúa Campo de Fútbol á Rúa Pedro Floriani en Cesantes
As actuacións previstas son o fresado de pavimentos, limpeza de marxes, varrido da superficie a pavimentar, poñer á nova cota de tapas de pozos e arquetas de rexistro e recheos de zahorra compactada. O orzamento para o acondicionamento dos camiños deste municipio ascende a máis de 200.000 euros. Estas actuacións comenzarán unha vez teña o concello as autorizacións da Deputación de Pontevedra , xa que son camiños que necesitan autorizacións doutras administracións.
O acondicionamento e mellora do pavimento dos camiños en diferentes parroquias é unha obra que ten como obxectivo conseguir mellorar a mobilidade da veciñanza en varias parroquias e así mellorar a vida diaria dos veciños e veciñas de Redondela.
O concelleiro de Infraestructuras, Roberto Villar, explica ” que este é un novo modelo de sustentabilidade, que consiste arranxar camiños en tramos máis curtos, para así poder abarcar máis número de camiños. É unha nova forma de chegar a máis lugares de Redondela”.
Este proxecto sustentable de acondicionamento de camiños seguirá o ano que ven para continuar mellorando as infraestructuras do municipio de Redondela.
