A concellería de Deportes do Concello de Baiona celebra mañá o XI Trail Trans Serra dá Groba. Un total de 452 persoas participarán nos dous tipos de proba: No Trailiño, de 16 Km, 254, e no Trail, de 30 Km, 100, e a Andaina, de 10Km, 98, cun itinerario que percorre os monte da “Serra dá Groba”, utilizando pistas forestais, carreiros tradicionais e tramos de asfalto á saída e á chegada a meta.
Desde a concellería de Deportes do Concello de Baiona queremos “dar as grazas ao Club Atletismo de Baiona e a todas as persoas voluntarias que colabora realizando diferentes labores de limpeza naquelas zonas do noso monte polas que pasan as tres probas. Grazas tamén aos outros clubs deportivos locais que o día de próbana colaboran co concello no apoio aos corredores. Grazas a todas as persoas que colaboran neste evento deportivo, grazas polo voso compromiso con esta singular proba, sen o traballo de todos non sería posible chegar ata esta XI edición.”.
O Alcalde de Baiona, Jesús Vázquez Almuiña, expón que “O deporte é un piar básico para o desenvolvemento das persoas e tamén para potenciar a economía local a través da desestacionalización. O que se pretende coa organización deste tipo de eventos é diversificar a oferta deportiva con actividades distintas que dinamicen e desestacionalicen os 12 meses do ano. Os eventos están pensados para gozar da contorna de Baiona e o gran potencial que ofrecen os distintos emprazamentos da vila, idóneos para a práctica deportiva e supoñendo unha posta en valor dos distintos espazos da localidade”.
A proba de Trail estivo aberto á participación de todas as persoas deportistas con idade mínima de 18 anos (cumpridos o día da proba). No caso da proba Trailiño poderán participar as persoas deportistas que teñan cumpridos 16 anos o día da proba, a condición de que conten coa autorización dos seus pais ou titores.
ENTREGA DE DORSAIS E CHARLA TÉCNICA
A entrega de dorsais de realizará no Pavillón Municipal de Deportes situado na rúa Dolores Agrelo, s/n, onde estará situada a saída e a meta das probas, desde as 17:00 ata as 21:00 horas do venres 1 de novembro, sábado día 2 de novembro (día da carreira) desde as 7:00 ata as 10:00h da mañá.
O venres día 1 de Novembro ás 19:00 horas, realizarase unha charla técnica na que a Organización facilitará información sobre o percorrido da proba, si como os detalles organizativos mais relevantes no Pavillón Municipal de Deportes. A duración prevista é duns 30 minutos e os atletas participantes poderán realizar as consultas que consideren oportunas.
SAÍDAS
O Trail arrincará ás 08:30h da mañá, o Trailiño farao ás 10:00horas, mentres que a Andaina farao ás 10:30h ambas as probas con saída desde o Pavillón de Deportes de Baiona.
A entrega de premios realizarase sobre as 14:00 horas no Pavillón de Deportes.
A Organización dispoñerá de servizos de asistencia médica nos puntos mais estratéxicos do percorrido e á chegada da meta. Tamén poñerá ao dispor dos participantes as duchas e vestiarios do Polideportivo Municipal.
Todas as persoas participantes oficialmente rexistrados (non federados) estarán cubertos por unha póliza de seguros concertada pola Organización que cubrirá os accidentes que se produzan como consecuencia directa do desenvolvemento da proba.
