• Concello de Arbo e os Comerciantes da Praza de Abastos lanzan unha nova campaña promocional para o próximo Nadal.
• Animan ao público a comprar neste tradicional establecemento co sorteo de 3 cestas.
• A campaña de promoción cara o próximo nadal desenvolverase dende ó 6 de novembro ata o 20 de decembro ás 13:00horas.
• O Sorteo terá lugar o 20 de decembro na Praza do Mercado ás 13:30 horas.
O mercado municipal e o Concello, lánzase á captación de novos clientes e á fidelidade dos xa existentes, cunha nova campaña de sorteos que premiará a fidelidade de aqueles que opten por facer as súas compras na praza de Abastos
Por terceiro ano consecutivo, iniciase o vindeiro 6 de novembro a campaña de apoio ao comercio local para a próxima campaña de nadal. “Ven o teu Mercado tamén en Nadal”
Os establecementos da Praza do Mercado, por cada compra darán un boleto que os participantes deberán rellenar cos seus datos e depositalo na urna colocada con motivo da campaña, ata ó 20 de decembro.
Os premios son tres cestas con produtos do Mercado, do comercio local e viño e espumosos das adegas de Arbo, valorado o primeiro premio en 120 euros, o segundo en 70 e o terceiro en 50 euros.
A iniciativa posta en marcha polo Concello de Arbo hai tres anos, pretende dar difusión ao valor da compra de proximidade fomentando a colaboración entre os comerciantes e a administración pública.
Segundo destaca o alcalde da localidade, Horacio Gil, esta actividade foi moi ben acollida nas pasadas edicións do Nadal, polo que volvemos a incluíla na promoción do comercio local, tamén no ano 2024.
Mercar na Praza de Abastos de Arbo, é garantía de calidade, bo servizo e atención personalizada así como garantía de boa compra – remata o rexedor Horacio Gil
O Sorteo terá lugar 20 de decembro na Praza do Mercado.
