O Concello de Frades continúa coas súas xornadas gratuítas sobre a saúde, postas en marcha o pasado mes de xullo e que están a rexistrar unha grande aceptación entre a veciñanza. Así o corrobora o concelleiro de Sanidade, Manuel Ferreiro, quen sinala que “o interese que están espertando estas xornadas, nas que se debate sobre nutrición, actividade física ou saúde mental fixo que tiveramos que dobrar a oferta formativa e organizar unha segunda sesión no local social de Abellá”.
Foi o caso das xornadas de nutrición e saúde, celebrada o paseo mes de setembro, e volverá acontecer o día 22 de novembro, coa charla “Introdución ao Ictus”. Esta xornada terá lugar a partir das 17:00 horas no local social do Vedral (Abellá) e será impartida pola neurofisioterapeuta Noelia Gómez Regueira, de NeuroLar Ordes, quen explicará os tipos de ictus existentes, cales son os factores de risco, os sinais de alerta e como facer para previlos ou tratalos.
As inscricións están abertas no Concello de Frades ou no teléfono 981 695 567. Estas xornadas están organizadas polo Concello de Frades en colaboración coa Deputación da Coruña.
