O Concello de Brión convoca 50 prazas nas súas actividades de conciliación de Nadal 2024-2025, dirixidas a familias con menores a cargo e con necesidade de conciliar durante as vacacións escolares. Nove xornadas, en horario de 8:00 a 15:00 horas, abertas a nenos e nenas nacidos entre os anos 2012 e 2021 (ambos incluídos) e empadroados en Brión.
O prazo de inscrición está aberto ata o mércores 27 de novembro, tanto a través da sede electrónica municipal como no centro social polivalente, en horario de 9:00 a 14:00 horas. O prezo é de 25 euros por participantes, con posibilidade de bonificacións para aquelas familias que o soliciten e acrediten a necesidade de apoio económico.
Terán prioridade as familias que acrediten ter necesidade de conciliar por motivos laborais ou formativos, seguidas polas que estean ao coidado doutras persoas e por aquelas que estean nalgunha das circunstancias recollidas no Plan Corresponsables 2024, é dicir, familias monoparentais, vítimas de violencia de xénero, mulleres en situación de desemprego de longa duración ou maiores de 45 anos…
