As crianzas da ‘Xeración Xa!’ premeron o botón en recoñecemento ao seu traballo para conquerir o selo de ‘Ciudad Amiga de la Infancia’ por parte de Unicef
O Concello de Nigrán deu á benvida oficial ao Nadal este sábado co acendido das luces nunha tarde festiva que contou coa xa tradicional actuación do clown Peter Punk e o concerto posterior de Cherry Sweet. Nesta ocasión o acto estivo protagonizado polos nenos e nenas de ‘Xeración xa!’, o grupo de participación do infantil e xuvenil do Concello, en recoñecemento ao seu esforzo por ter axudado a conquerir para o municipio o título de ‘Ciudad Amiga de la Infancia’ por parte de Unicef. A continuación, o alcalde, Juan González, deu paso as tres voces femininas de Chery Sweet, que puxeron a banda sonora con famosas panxoliñas internacionais.
O Concello de Nigrán destinou este ano 83.429,50 € á iluminación de Nadal para que chegase a todas as parroquias. Pola súa banda, a programación cultural presentarase a vindeira semana e terá como arranque oficial o xa tradicional mercado de invernal de artesanía local ‘Bule, Bule’ o 13, 14 e 15 de decembro na Praza do Concello.
